Tusagassiutinut nalunaarut: Juulli tuaviinnaq qanilliartupallappoq. Imaalitsianngitsoq, amerlanerpaajusugut nerrivimmi juullip nerisassaataanik mamartorsuarnik ataatsimoorluta nerilereersimassuugut – orpiullu ataani poortungassaqarluta.  Sapaassuaq, ilaqutariit amerlasuut qilanaarlutik ornittagaat. Taamaattorli aamma ilaqutareeqarpoq, asasaminnut kissaatimittut juullisiortitsinissaminnut periarfissaqanngitsunik.  Nammineq kajumissutsimik peqatigiiffik NANUBØRN aamma pisiniarfik Pisiffik soqutiginartumik isumaqatigiissuteqaqqammerput, ukiuni tulliuttuni suliniarneq nukittorsarniarlugu ilaqutariit meerartallit pissakinnerusut Kalaallit Nunaat tamaat aningaasanik katersuiniuttalerniarlugit.  Suleqatigiinnerup

Nanu Meeqqani qujamasuutigeqaarput Ilik ukiuni qulini nalliuttorsiornerminni suliniutaannut. Qaaqqusinerminnimi tunissutit naasullu pinagit kissaatigaat Nanu Meeqqanut tuniserusuttut tapiissasut. Taamaasillutik nalliuttorsiuinnanngillat suliniutitsinnulli aamma tapersersuillutik nunatsinni meerarpassuarnut sunniuttussamik.  Ilik Maren Sander Granlien-imit 2013-mi pilersinneqarpoq, arfinilinnik sulisoqarluni Nuummilu allaffeqarlutik.  Suliffeqarfiup atia “Ilik” uatsinnut tulluarluarpoq. Akisussaaffimmimmi tiguseqataallutillu ilaqutariinnut meerartalinnut katersiniarnitsinni ilitigaluta iliuuseqarput.  IT iluani suliffeqarfinnimmi

Autonord august 2008-mi pilersinneqarpoq, biilileriffiinnaananilu. 26-nik sulisoqarput, tassani ilinniartut ilaallutik. Nunatta siunissai taamaasillutik ilinniarnerannut peqataapput. Sullitami sullilluarnissaattaaq pingaartittuuaat. Suliffeqarfiup ataqatigiinneq pingaartitarisuuaat akulikitsumillu peqatigiinnissaq pilersaarusiortarlugu. Grillereqatigiinnerit, tusarnaariaqatigiinnerit umiatsiaqatigiinnerilluunniit nuannisaqatigiillutik pilersaarusiorlugillu aalluttarpaat taamaasillutillu ataqatigiinneq pilersillugulu aalluttarlugu.  Ataqatigiinneq tatiginninnerlu naliupput qitiusut, iluminni sullitaminnullu.  2021-mili Autonord-ip julehjælp-imut katersisarnitsinni aalajaallutik tapersersuilerput.  Qinnuteqaraangatta sukkasuumik akisarput, tapersersuiuarnerallu

Oqaluttualaarusuppugut nuannerpallaaqimmat! 🙂 Nuummi suliffeqarfimmiimmi 2.500 koruuninik tuniseqqammerpugut! Aningaasanik katersinerat alutornarpallaaqimmat, qujamasoqarlutalu tunisittussatut toqqarsimammatigut siammartersinnaanngitsuunngilarput. Suliffeqarfiup nutsernissaanut atatillugu pisattat ilaat tuniniartussanngorsimapput. Facebook-ikkullu tuniniarsimavaat isertitallu tamaasa uagutsinnut tunissutissanngorlugit. Pisisussat tamanna erseqqarissumik takusinnaasimavaat, namminerlu akimik taasisinnaallutik. Nerrifik, issiaviit pingasut nerriveerarlu tunisimavaat katillugulu 2.500 koruuni isertissimallugu uagutsinnullu tunniullugu! Qujamasoqaagut! Tunissummi atorlugu ilaqutariit pingasunik

Nuannaarutigingaarlugu siulersuisuni ilaasortartaarnerput nalunaarutigilaarusupparput ❤️ Nanu Meeqqani siulersuisuni kajumissutsitsinnik sulilluta siulersuiniippugut, maannalu ilaasortaq nutaaq: David tikilluaqqungaarparput ❤️ David 29-nik ukioqarpoq 🙋🏽‍♂️ Danmark-imi inunngornikuuvoq alliartorlunilu 🇩🇰 Februarip aallartinnerani nunatsinnut Kulusummut nuuppoq 🇬🇱 David Kulusummi ilinniartitsisutut sulivoq 👨🏽‍🏫 Tikilluarsimaqaaq, ataatsimoorluartarnerput pinngortitarpullu kusanaqisoq assut nuannaarutigalugit ❤️ David kajumissutsiminik suliaqarnermi misilittagaqarluarpoq, taamaammallu aamma Nanu

Tunissut torralluinnartoq Kalaallit Nunaanni siunnersuisartutut suliffeqarfiit annersaat ilaat Masanti A/S Nanu Meeqqanut tunissuteqarpoq kusanaqisumik – 20.000 koruuninimmi tunisipput qujamasuutigeqisatsinnik. Aningaasat tunniussaat toqqorpagut qularinngilarpullu nunatsinni ilaqutariit meerartallit decembarimi julehjælp-imik agguaalerutta qujamasuutigissagaat aamma. Masanti A/S Masanti siunnersuisartuupput arkitektinik, siunnersortinik teknikerinillu 35 missaanniittunik sulisoqarluni, illoqarfinniku ukunani immikkoortortarfeqarlutik: Maniitsoq, Ilulissat, Nuuk, Sisimiut aammalu Qaqortoq.

Privatiusumik ilaqutariinniit suliffeqarfik pigineqartoq Polar Seafood annertoqisumik tapiinertik aqqutigalugu nunatsinni ilaqutariinnut meerartalinnut allanngueqataapput. Polar Seafood Nanu Meeqqat Juulliannut 15.000 koruunimik tapiissuteqarput, taamaasillutik ilaqutariit meerartallit qulit sinnerlugit julehjælp-imik agguaavigineqarnissaat qulakkeerlugu. Tamannalu Nanu Meeqqaniit qujamasuutigeqaarput, taamammi tapiiffigineqartinnata tapersersorneqaratalu ilaqutariinnut meerartalinnut juullilernerani agguaasinnaanngilagut – Polar Seafood qujanaq.   Meeqqaat siunissaraagut Polar Seafood-imut inuiaqatigiinnut

Aatsaat Comby Nanu Meeqqat juulliannut tunisinngilaq, siornatigummi tapiissuteqareernikuuvoq. Maanna Comby 50.000 koruuninik tunisivoq! Tapiissut Nanu Meeqqanit qujamasuutigeqaarput! Tapiissummi annertoqisoq julehjælp-imik agguaanitsinni iluaqutaalluarpoq, ilaqutariimmi meerartallit julehjælp-imik agguaaffitta 10%-ingajaanut pipput. Aatsaat tapiinngillat Comby siornatigut Nanu Meeqqanut tapeereernikuuvoq, Nuummilu børnehjemminut ukiorpassuarni aamma tapiisarsimalluni. Taamaasillutik nunatsinni allanngueqataapput. Tapiinertik aqqutigalugu nunatsinni ilaqutariinnut meerartalinnut allanngueqataapput, periarfissaq

Nanu Meeqqat Danmark-imi kajumissutsimik suliallit akunnerup naanerani Kalaallit Illuanni pilisuni tuniniaareerlutik isertitatik Nanu Meeqqanut ingerlateqqippaat katillugu 23.610 koruuniusut! Assaa angusaq kusanaq! Tulluusimaarnaq qujamasunnarlu kajumissutsimik sulerusuttut allanngueqataanerat. Immikkoortortaqarfik inunnik ajunngitsunik kajumissutsiminnik suliaqartunik peqateqarput. Piffissarisartik nukitillu taamak atorusuttarmatigit assut qujamasuppugut. Aningaasat katersat tamavimmik julehjælp-imut ingerlaqqipput, ilaqutariillu meerartallit nunatsinni najugallit 15-it tikillugit taperneqarsinnaalerlutik!

NANUBØRN julehjælp-imut qinnuteqaatinik 1.000-it sinnerujussuarlugit pivoq, kajumissutsimik suliaqartumut peqatigiiffimmut suliaq taamaasilluni annertulluni. Taamaammat qujamasulluinnarpugut GrønlandskBANKimi sulisunut saaffiginnikkatta ikiuerusunnginnersut akuersimmata – qujanaq. Qinnuteqaatit misissornissaannut ikioqqugatta, qinnuteqaatillu amerlaqimmata suliassaq annertuvoq. Siullermeertumik misissugassaq unaavoq immersuisimasut immersugaat ajunnginnersut, taannaannarlu suliaq annertuvoq qinnuteqartummi eqqaasatsitulli amerlammata. Sulisut 5 ikiuerusullutik nalunaarput, ikiuinerallu uagutsinnut piffissarujussuarmik sipaartitsilerpoq tamannalu qujamasuutigilluinnarparput.