Peqatigiiffiugatta kajumissutsiminnik sulisut tapersersorneqanngikkutta ikiuisinnaanerput sulisinnaanerpullu killeqartarpoq. Taamaammat tapiisutta tapersersuinerat ikiuunnerallu qujamasuutigeqaarput. Kalaallit Nunaanni meeqqat atugarissaarnerulernissaannik sulinerput tapersersorlugulu piviusunngortitseqataasarpusi tassungalu qujarusuppugut!
Ataani tapiisugut takukkit:
Agerskov Consulting bogføring-imik tapiisuupput, taassumalu saniatigut ukiumut naatsorsuutit inernerisa naammassineri revisionimullu piareersarnerit – qujamasuutigeqaarpullu. Taamannak tapiinerat aningaasat katersatta nunatsinni meeqqanut ingerlasinnaanissaannik pilersitsisuuvoq.
Comby A/S nittartakkatta hosterneqarneranik kiisalu e-mailitta aamma hosterneqarneranik tapiisuupput. Taakku iluanni sullissinertaaq aamma tapiissutigisarpaat – qujamasuutigeqaarpullu. Taamannak tapiinerat aningaasat katersatta nunatsinni meeqqanut ingerlasinnaanissaannik pilersitsisuuvoq.
Usisaat toqqorsivimmiititaqarsinnaanitsinnik tapiisuupput. Taamannak tapiinerat aningaasat katersatta nunatsinni meeqqanut ingerlasinnaanissaannik pilersitsisuuvoq, tamannalu qujamasuutigeqaarput.
RD Marketing Bureau rollup-imik tunisinikuupput. Katersisarnitsinni tuniniaasarnitsinni assigisaanilu nuisatittagatsinnik. Tunissutaata ilaqutariinnut meerartalinnut pingasut tikillugit sipaaruteqartippaatigut.
Ikiuisugut ikiorusuppitsigut?
Nunatsinni meeqqat ikiorsinnaanngilagut aningaasaateqarfinniit, suliffeqarfinniit kiisalu tapiisunit tapersersorteqanngikkutta – peqataanissannut soqutiginnikkuit attavigitigut!