NANUBØRN julehjælp-imut qinnuteqaatinik 1.000-it sinnerujussuarlugit pivoq, kajumissutsimik suliaqartumut peqatigiiffimmut suliaq taamaasilluni annertulluni. Taamaammat qujamasulluinnarpugut GrønlandskBANKimi sulisunut saaffiginnikkatta ikiuerusunnginnersut akuersimmata – qujanaq.
Qinnuteqaatit misissornissaannut ikioqqugatta, qinnuteqaatillu amerlaqimmata suliassaq annertuvoq. Siullermeertumik misissugassaq unaavoq immersuisimasut immersugaat ajunnginnersut, taannaannarlu suliaq annertuvoq qinnuteqartummi eqqaasatsitulli amerlammata.
Sulisut 5 ikiuerusullutik nalunaarput, ikiuinerallu uagutsinnut piffissarujussuarmik sipaartitsilerpoq tamannalu qujamasuutigilluinnarparput. GrønlandsBANKimi sulisut paasissutissanik killeqartunik pipput taamaasillutik immersukkat misissorsinnaalerlugit ajunnginnersut.
Ikiuineratalu NANUBØRN-imi aningaasanik katersinerunissatsinnut piffissaqalersippaatigut. Qinnuteqartummi taamak amerlatigimmata aningaasat suli amerlanerit katersortariaqarput!
Suliniuterput tapersersorusuppiuk? Taava MobilePay aqqutigisinnaavat normu una atorlugu: 106929, konto normorpulluunniit: 6471-7848622 ikisiffigalugu. Tapiissutit tamarmik julehjælp-imut ingerlaqqissapput qujamasuutigissaqaagullu, annertuut annikitsullu!