NANUBØRN-ip aningaasat ikiorsiissutissanik qinnuteqartut pillugit paasissutissanut inunnut tunngasunut maleruagassai

Tamanut tunngasut

Aningaasanik ikiorsiissutinik qinnuteqartoqartillugu Meeqqanut suliniaqatigiiffiup Nanu Børnip inuit ataasiakkaat pillugit paasissutissat nalinginnaasut kiisalu isertuussassat suliarisarpai.

Meeqqanut suliniaqatigiiffimmi Nanu Børnimi kissaatigaarput aningaasanik ikiorsiissutissanik qinnuteqartut tamatigut tatigisinnaassagaatigut. Ilisimavarput paasissutissat inunnut ataasiakkaanut tunngasut pissarsiarigaangatsigit taakkua illersorneqarnissaannut akisussaaffeqarluta. Taamaattumik IT-mi aaqqissuussinerit, ingerlatseriaatsit nakkutilliissutillu atorlugit isumannaarsuisarpugut, inuit ataasiakkaat pillugit paasissutissanut inatsit malillugu suliassagut ingerlanneqarsinnaaqqullugit taamalu qinnuteqartoq pillugu paasissutissat suliarineqarlutillu toqqorneqarsinnaanissaat isumannaatsumik, taakkulu ataqqineqarnissaat ataqqisarlutigu.

Paasissutissat suut katersortarpagut?

Paasissutissat pisariaqartitagut kisiisa katersortarpagut paasissutissallu inunnut ataasiakkaanut tunngasut tamatigut inatsit atuuttoq tassanilu siunnersuutit atuuttut malillugit suliarisarlutigit. Paasissutissat sorpiaat pissarsiarinissaanni aalajangiisuusarpoq paasissutissat qanoq siunertaqarluni atorneqarumaarnersut. Meeqqanut suliniaqatigiiffimmi Nanu Børnimi paasissutissat inunnut ataasiakkaanut tunngasut aningaasanik ikiorsiissutissanik qinnuteqartunut tunngasut imatut immikkoortitertarpagut (aningaasanik ikiorsiissutissanik qinnuteqaatini tamani ataani allassimasutut paasissutissat pigineq ajorpagut).

• Attavissaq & kina pineqarnersoq pillugu paasissutissat
• Inuup normui
• Akissarsiat pensionisiallu pillugit paasissutissat
• Isumaginninnermi ikiorsiissutit inuttullu aningaasaqarnermut tunngasut
• Peqqissuseq pillugu paasissutissat, tassunga ilanngullugit atuinerluisuuneq pillugu paasissutissat
  
  

Paasissutissat katersagut suminngaanit qanorlu pissarsiarisarpagut?

Meeqqanut suliniaqatigiiffiup Nanu Børnip aningaasanik ikiorsiissutissanik qinnuteqarnermut atatillugu paasissutissat inunnut ataasiakkaanut tunngasut pissarsiarisartagai tassaanerupput qinnuteqartup nammineq paasissutissiissutai taamalu qinnuteqaatip suliarineqarnerani paasissutissat pillugit ilassutitut pissarsiarineqartut.

Paasissutissat illit pigisavit suliarineqarnerisa siunertaat kiisalu tassunga tunngatillugu maleruaqqusat

Aningaasanik ikiorsiissutissanik suliaqarnermi pissarsisussanillu toqqaaniarnermi paasissutissat eqqortut qinnuteqartunit pissarsiariniarlugit paasissutissat qinnuteqartunut tunngasut pissarsiariniartarpagut. Aningaasanik ikiorsiissutissanik qinnuteqartut pillugit paasissutissanik inunnut tunngasunik katersisarnerup siunertaraa qinnuteqaammik suliaqarnissaq tassunga ilanngullugu Nanu Børnimit qulakkeerniartarparput suliaqatigiiffiup aningaasaataasa iluaqutaanerpaamik agguaassinermi atorneqartarnissaat. Aammattaaq paasissutissat Meeqqanut Suliniaqatigiiffimmit Nanu Børnimit pissarsiarineqartut akileraartarnermut Aqutsisoqarfimmut nalunaarusiortussaatitaanermi atorneqartarput.

Kalaallit Nunaanni paasissutissat inunnut ataasiakkaanut tunngasut pillugit inatsimmi § 6, imm. 1, nr. 1, 3 aamma 7 kiisalu paasissutissat inunnut ataasiakkaanut tunngasut pillugit inatsimmi § 7, imm. 2, nr. 1 aamma 4 malinneqartussaapput.

Meeqqanut suliniaqatigiiffiup Nanu Børnip paasissutissat mianernartut pillugit suliaqartarnermi, tassunga ilanngullugit paasissutissat peqqissutsimut tunngasut aamma paasissutissat inuuniarnermi aningaasarsiornermut tunngasut, pineqartillugit Datatilsynimut paasissutissat pineqartut suliarinissaannut akuersissummik piniartarpugut.

Paasissutissanik ingerlatitseqqiisarneq

Meeqqanut suliniaqatigiiffiup Nanu Børnip paasissutissat inunnut ataasiakkaanut tunngasut aningaasanik ikiorsiissutissanik qinnuteqartunut tunngasut avammut ingerlateqqinneq ajorpai. Paasissutissalli qinnuteqartumut tunngasut suleqatitsinnut tunissutip allagartaanik suliaqartartumut ingerlateqqinneqartarput.

Paasissutissat qanoq sivisutigisumik toqqoqqasarpagut?

Meeqqanut suliniaqatigiiffimmi Nanu Børnimi pisussaavugut paasissutissat inunnut ataasiakkaanut tunngasut pisariaqartikkunnaarutsigit ingutsissallutigit. Tamanna ima paasisariaqarpoq paasissutissat ataavartumik piiartarigut, tunngavissiisumik siunertamut tunngatillugu toqqoqqanissaat pisariaaruppat, tamannalu isumaqarpoq ukiumit qinnuteqarfigisamit ikinnerpaamik ukiut tallimat qaangiukkaangata.

Paasissutissanik isumannaallisaaneq

Meeqqanut suliniaqatigiiffiup Nanu Børnip aningaasanik ikiorsiissutissanik qinnuteqartut pillugit paasissutissanik isumannaatsumik isumaginninnissaa pingaaruteqarpoq. Taamaattumik teknikkikkut aaqqissuussaanikkullu suleriaasissanik paasissutissanik paarsilluarnissamut tunngasunik aalajangersaasoqarsimavoq, paasissutissat pissariaqartinneqartartut annaaneqannginnissaat allanngortinneqannginnissaallu kiisalu susassaqanngitsunit ilisimaneqalinngissaat atornerlunneqanngissaallu anguniarlugit. Tamanna ilaatigut isumaqarpoq

• Taamaallaat suliamut atatillugu paasissutissat inummut tunngasut toqqortat iserfigineqarsinnaasut
• Paasissutissat ingerlaartut toqqortallu ersernerlussarneqarsimassasut
• Qarasaasiat toqqorsiviit virusinut saliguteqartut
• Paasissutissanut ataasiakkaanut tunngasut suliarineqarnissaannut maleruagassaqartoq malitassaqartorlu

Paasissutissanik isumannaallisaanerit arlaatigut innarlerneqassagaluarpata aningaasanik ikiorsiissutinik qinnuteqarsimasut tamanna pillugu ilisimatinneqassapput taamatullu innarliisinnaanerup kingunissai pillugit paasitinneqassallutik.

Paasissutissanik suliaqartartut suleriaasii

Meeqqanut suliniaqatigiiffiup Nanu Børnip paasissutissanik suliaqartartut atortagai ilaatiguttassaapput, qarasaasiatigut sullissisartut, attartortitsisartut, isumannaallisaasut toqqortuisartullu. Taamaattumik paasissutissat sulisunut tunngasut paasissutissanik suliaqartunut isumagisassanngortinneqarsinnaapput.

Paasissutissanik suliaqartartut tamarmik allassimasunik maleruaqqusanik nakkutilliissuti-nillu najoqqutassaqartarput taakkunatigut isumannaallisarneqartarmat paasissutissat ilinnut tunngasut taamaallaat siunertanut aalajangersimaqqissaartunut atorneqartussaallutik katersaasut.

Meeqqanut suliniaqatigiiffiup Nanu Børnip paasissutissanik sullissinerit avataani suleqatinut EU-p avataaniittunut ingerlatassatut tunniunnikuunngilai. Taamaattumik paasissutissat pillugit suleqatigisartakkagut inuit ataasiakkaat pillugit paasissutissat pillugit peqqussummik imaluunniit inuit ataasiakkaat pillugit paasissutissanut inatsimmik malinnittussaatitaapput.

Meeqqanut suliniaqatigiiffik Nanu Børn paasissutissanik suliaqartartunik tamanik attaveqarpoq nakkutigalugillu taakkua maleruaqqusat isumannaatsuunissaannik peqqussutinik atuutsitsinersut.

Illit pisinnaatitaaffitit

Meeqqanut suliniaqatigiiffimmut Nanu Børnimut qinnuteqartutut qaqugumulluunniit atuuttussanik makkuninnga pisinnaatitaaffeqarputit:

• Aningaasanik ikiorsiissutinik qinnuteqartut paasissutissanik imminermut tunngasunik Meeqqanut suliniaqatigiiffiup Nanu Børnip pigisaanik piniarsinnaatitaapput
• Aningaasanik ikiorsiissutinik qinnuteqartut paasissutissat katersorneqarsimasut pillugit maalaaruteqarsinnaatitaapput
• Aningaasanik ikiorsiissutinik qinnuteqartut Meeqqanut suliniaqatigiiffimmut Nanu Børnimut piumasaqarsinnaapput paasissutissanik naqqiissuteqarnissamut imaluunniit piiaanissamut. Meeqqanulli suliniaqatigiiffik Nanu Børn nangaassuteqarsinnaatitaavoq, paasissutissat piiarneqarnissaat pillugu, Meeqqanut suliniaqatigiiffiup Nanu Børnip qinnuteqartullu akornanni saqitsaattoqalersillugu.
• Aningaasanik ikiorsiissutissanik qinnuteqartut allakkatigut akuersissuteqarsimatillugit aningaasanik ikiorsiissutinik qinnuteqartut pisortanut saaffiginnissinnaatitaapput taakkua annertussusaat pillugit aamma aningaasanik ikiorsiissutinik qinnuteqartut qaqugukkulluunniit allakkatigut akuersissut tunniussartik utertinniarsinnaavaat. Tamatuma kinguneranik Meeqqanut suliniaqatigiiffiup Nanu Børnip paasissutissanik qinnuteqartup allakkatigut akuerisimasaanik suliaqarnertik tamaat taamaatissavaat.

Meeqqanut suliniaqatigiiffiup Nanu Børnip kissaatigaa suliniaqatigiiffimmi paasissutissat pigineqartut eqqortuunissaat nutarterneqarsimanissaallu, taamaattumik ilisimatinneqarneq naapertorlugu allatigulluunniit paasinarsippat paasissutissat tunniunneqarsimasut kukkuneqartut paasissutissanik pigisanik nutarterisoqartarpoq.

Maalaarsinnaatitaaneq

Paasissutissat ilinnut tunngasut Meeqqanut suliniaqatigiiffimmit Nanu Børnimit pigineqartut naammaginngikkukkit, datatilsynimut maalaaruteqarsinnaatitaavutit uunga allallutit: dt@datatilsynet.dk, www.datatilsynet.dk.

Sullissinerput pillugu apeqqutissaqaruit

Meeqqanut suliniaqatigiiffiup Nanu Børnip paasissutissat uagut nammineq paasissutissanilluunniit suliaqartitatta suliarisartagai tamaasa aningaasanik ikiorsiissutissanik qinnuteqartunut tunngasut akissussaaffigai.

Paasissutissat ilinnut tunngasut suliarineqartarneri pillugit imaluunniit pisinnaatitaaffitit pillugit apeqqutissaqaruit mailerfigaluta attaveqarfigisinnaavatsigut uunga mailerlutit: hej@nanu.gl