Pilluta

Nanu Meeqqat – kikkuuguvut

Peqatigiiuvugut kajumissutsitsinnik sulisut nunarput tamakkerlugu suliaqarluta. Peqatigiiffimmi sulisut tamarmik akissarsiaqaratik sulipput, upperisat kiisalu politikkimut tunngasunik aaliangersimasunik upperisaqaratalu malitaqarnata. 

2008-mi pilersinneqarpugut fiulersuisugullu tallimanik ilaasortaqarput. 

Ukiut ingerlanerini ornittakkanik pingasunik pilersitsillutalu ingerlatsinikuuvugut, nunatsinnilu illoqarfinni nunaqarfinnilu arlalippassuarni suliaqarsimalluta aamma. Suliagut pillugit uani paasisaqarnerugit. 

Anguniagaq

Anguniagaraarput meeqqat ulluinnarni atugarliortut toqqissisimanerusumik inuunissaat. Tassanngalu ornittakkat – angerlarsimasinnaannginnermi sumiiffimmik orninneqarsinnaasumik pilersitserusussimavugut. 

Takorluugaq

Meeqqanut tamanut inuunerissaarnissaq, ikiorneqarnissamut periarfissaqarneq Kalaallit Nunaanilu meeqqat atugarisaminnik kipisisinnaanissaat.  

Oqaaseqaatit najoqqutat

Toqqissisimanerulernissamik pilersitsineq tamatsinnit piumasaqarfiusimavoq. Ukiorpassuarni statistikkit erseqqareqisumik oqaaseqartut taakkartorpagut. Politikerit akisussaaffimmik tigusinissaat inappagut meeqqallu salliuteqqullugit. Meerarpassuit atugarliortut silarsuaat ilaatigut sakkortusinnaasaqisoq politikerit oqaluuserissagaat suliniutigalugulu peqataaffigisimavarput. Uani paasisaqarnerugit. 

Børnealliancen-imi peqataavugut, Børnealliancen kattuffiuvoq Kalaallit Nunaanni meeqqat inuunerinnerulernissaannik sullissisunik katersisoq