Skip to content

Alutornartumik tunisineq

Oqaluttualaarusuppugut nuannerpallaaqimmat! 🙂 Nuummi suliffeqarfimmiimmi 2.500 koruuninik tuniseqqammerpugut! Aningaasanik katersinerat alutornarpallaaqimmat, qujamasoqarlutalu tunisittussatut toqqarsimammatigut siammartersinnaanngitsuunngilarput.

Suliffeqarfiup nutsernissaanut atatillugu pisattat ilaat tuniniartussanngorsimapput. Facebook-ikkullu tuniniarsimavaat isertitallu tamaasa uagutsinnut tunissutissanngorlugit. Pisisussat tamanna erseqqarissumik takusinnaasimavaat, namminerlu akimik taasisinnaallutik. Nerrifik, issiaviit pingasut nerriveerarlu tunisimavaat katillugulu 2.500 koruuni isertissimallugu uagutsinnullu tunniullugu!

Qujamasoqaagut! Tunissummi atorlugu ilaqutariit pingasunik meerartallit julehjælp-innanissaat maanna qulakkeerpoq! Naliginnaasumik ilaqutariit meerartalimmut 1.000 koruuni kiisalu meeraq 500 koruuniusarpoq julehjælp annertussusaa inissikkaangatsigu. Uani julehjælp pillugu paasisaqarnerusinnaavutit.

Qujanarujussuaq!

AAMMA ILLIT TAPERSERSUEQATAARUSUPPIT?

Nanu Meeqqanit julehjælp-imik agguaasinnaanngilagut suliniutitsinnut taperneqanngikkutta. Ilaqutariit meerartalinnut allanngueqataagit tapiinikkut:

Konto normu: 6471-7848622
MobilePay: 106929

– immaqaluunniit suliffeqarfittulli isumassarsiaqarputit tunniussisinissannut? 🙂

Qujanaq!