NANUBØRN-imiit Pisiffik qamannga pisumik qujaffigerusupparput. Suleqatigiilluarnermi ukiut aappassaanik ingerlaleruttorpoq, taamaasilluta suleqatigiilluarnikkut qulakkiissavarput nunatsinni ilaqutariit meerartallit suli amerlanerit julehjælp-imik taperneqarsinnaanerat. Sulisut allanngueqataapput Ukioq manna Pisiffimmi sulisut arlallit nammineerlutik immikkuullarittumik suliniuteqarput. Namminnermi pisiortorfimminnut saaffiginnissimapput, suleqatigiinnerput saqqummiullugu aningaasanillu amerlanernik katersinissamut periarfissarsiorlutik. Sulisut taamak iliorsimanerat maannamut tigussaasumik kinguneqalereerpoq. Pisiortorfiimmi Karen Vold, Nordthy A/S kiisalu

Tallimanngormat Pisiffimmi allaffimmiut nioqqutissanut assigiinngitsunut akitsorterussipput. 7.000 kr. sinnilaarlugit isertillugillu tunniullugit Isertitat tamarmik Nanubørn-ip juullimut ikiorsiissutaanut ingerlateqqinneqassapput, taakkualu ilaqutariinnut atorfissaqartitsisunut tunniunneqassallutik. Qujanarujussuaq peqataasunut. Katersat mikigaluartut isumaqarujussuarsinnaapput. Peqatigiilluta juulli nuannernerutilaassavarput Pisiffik sulisusi tulluusimaarutigilluarsinnaavasi! Tapersersuinissinnut qujanarujussuaq.

Nuuk Internationale Friskole-mi atuartut NANUBØRN-imut 10.653,75 koruuninik tuniseqqammerput! Aningaasat juullerpaluttunik niuffannermit isertitaapput. Atuarfiullu niuffatsinnatik aaliangereersimavaat isertitat affaat tunniunneqassasut ajunngitsuliortunut. Atuartut sinniisaata siulersuisuat oqarsimagami juullisiorluartuarsimalluni, meeqqallu tamarmik juullisiorluartassasut. Taamaammat aaliangiussimavaat aningaasat uagutsinnut tunniunneqassasut. NIF qujamasulluinnarpugut! Siunissaq ernumananngilluinnarpoq taamattunik atuartoqarallartillugu ❤️