Aatsaat Comby Nanu Meeqqat juulliannut tunisinngilaq, siornatigummi tapiissuteqareernikuuvoq. Maanna Comby 50.000 koruuninik tunisivoq!
Tapiissut Nanu Meeqqanit qujamasuutigeqaarput! Tapiissummi annertoqisoq julehjælp-imik agguaanitsinni iluaqutaalluarpoq, ilaqutariimmi meerartallit julehjælp-imik agguaaffitta 10%-ingajaanut pipput.
Aatsaat tapiinngillat
Comby siornatigut Nanu Meeqqanut tapeereernikuuvoq, Nuummilu børnehjemminut ukiorpassuarni aamma tapiisarsimalluni. Taamaasillutik nunatsinni allanngueqataapput.
Tapiinertik aqqutigalugu nunatsinni ilaqutariinnut meerartalinnut allanngueqataapput, periarfissaq tikilluaqqulluinnagartik. Pisortarlu Brian Torp aperigatsigu sooq taamak tapeerusussimanersut akivoq: “uummammit tapiineruvoq. Inuiaqatigiinni peqataavugut, periarfissaqaruttalu suliniutinut taamaattunut tapeerusuppugut. Tamannami pikkoriffigisuuarput nunatsinni, periarfissaqartilluta ikioqatigiinneq”.
Atlanti avannarpasissoq ikaarlugu
Comby suliffeqarfiuvoq privatimik pigineqartoq, ukiut 20-it sinnerlugit IT-lerisuusoq. Nunatsinni ilisimaneqarluarput, ilaatigut nunatsinni flatrateqalersitsisutut. Comby danmarkimut allinikuupput, maannalu nunatsinniinnaanngitsoq kisiannili aamma Slagelsemi Albertslundimilu allaffeqarlutik.
Nuummi 21-nik sulisoqarput, danmarkimilu 47-uullutik. Atlanti avannarpasissoq ikaarlugu suleqatigiinneruvoq 4000 km-nik ungasitsigisinnaagaluarlutik suleqatigiilluartartut. “suleqatsinnit tikeraarfigitinneq nuannareqaarput, tikikkaangatsigillu aamma tikilluaqqusilluartarlutik. Sullitatsinnuttaaq iluaqutissartaqarpoq, akunnerimmi nikinganeri 3-sut sullissinitsinnik annertusaaqataammata” Brian nassuiaavoq. Comby paasisaqarfiginerusinnaavat nittartagaat uani alakkarlugu.
Aamma illit tapersersueqataarusuppit?
Nanu Meeqqanit julehjælp-imik agguaasinnaanngilagut suliniutitsinnut taperneqanngikkutta. Ilaqutariit meerartalinnut allanngueqataagit tapiinikkut:
Konto normu: 6471-7848622
MobilePay: 106929
Qujanaq!