Ilassinnitsitsineq
Steen Kristensen 60-ileeqqammerpoq, tassungalu atatillugu sullitaminut suleqatigisartakkaminullu nalliuttorsiortitsisimalluni. Steen-ip aaliangiussimavaa qaaqqusaminit tunisutisianik tunisinnani innersuunniarlugit Nanu Meeqqat suliniutaannut tapiissasut.
Steen ilaqutaasalu tamanna aaliangiussimavaat meeqqanut juullisiornissaannullu allannguuteqaqataasinnaammat.
Tunniussat tamarmik julehjælp-imik agguaanissamut nakkarput
Nanu Meeqqani ulluni makkunani suliniutitsinnut julehjælp-imut aningaasanik katersileruttorpugut, Steen ilaqutaasalu aaliangiussimasaanullu qujamasoqaluta.
Aningaasat tunniussat tamavimmik suliniutitsinnut julehjælp-imut atorneqassapput. Tunniussallu nunatsinni ilaqutariinnut meerartalinnut minnerpaamik tallimanut, tassani meeqqanut minnerpaamik 10-nut ikiuisinnaanitsinnik naleqarlutillu qulakkiillutik.
Bencon Kemi A/S
Steen ukiut 30-it sinnerlugit namminersortuusimavoq suliffeqarfiutimini Bencon Kemi A/S -mi. Bencon kemi suliffeqarfiuvoq piujuartitsinermik pingaartitsisoq, tunisassiaminnilu tamani tamanna atuuppoq. Soorunalimi tunisassiat pitsaassusaannut ajoqutaasussaanani. Pilersitsisarnerminni piujuartitsinerup iluani malinnaajuarput, suleqatissarsiortuarlutillu tunngaviusumik aaliangiussimasaminnut tunniussillutillu pitsanngorsaaqataasinnaasunut.
Uummammit Steen ilaqutaanullu qujangaarpugut, kajumissutsimillu sulinitsinni nukissaqartitsilerpoq iluuusersi. Taperssersuinissinnut qujanarujussuaq pilluangaarillu inuuinni.