Skip to content

Nanu Meeqqat juulliat 2023

Nittartakkakkut qinnuteqarneq

2023-mi nittartagatsigut qinnuteqarneq aallarnerparput. Ilaqutariit meerartallit nunatsinneersut novembarip ingerlanerani qinnuteqaammik nassiussisinnaasimapput immersuinikkut. 

Nittartakkakkut qinnuteqartalernerup nunatsinni sumiikkaluaraanniluunniit julehjælp-innassinnaaneq qulakkeerpaa.

Qinnuteqartut amerlasuut

Qinnuteqaatit 1.111-t tiguagut. Nunatsinniit illoqarfinniit nunaqarfinniillu. 500-t sinnilaarlugit qinnuteqarfissami ulloq siullermi tiguagut.

Kisitsisimernit:

  • Qinnuteqaatit 1.111 
  • Ilaqutariinnut meerartalinnut 357-inut julehjælp-imik agguaavugut
  • Nunatsinni kommunini tamani, illoqarfinni nunaqarfinnilu, julehjælp-imik agguaavugut


GrønlandsBanken-imi sulisut ikiuupput

GrønlandsBANK-imi sulisunut qujarusuppugut. Qinnuteqaaterpassuimmi suliarileratsigit ikiuukkumallutik imminnut neqeroorput. Suleqataanerminni isumagissaarlutillu sullarilluinnarput.

Ikiuunnerallu Nanu Meeqqani akunnerpassuarnik sipaartippaatigut, taamaasilluta katersinissatsinnut piffissaqarnerullutalu nukissaqarnerulerluta, qujanarujussuaq. 

SULINIUTITSINNUT TAPERSERSUINISSINNUT QUJANARUJUSSUAQ

Aningaasaleeqataasoqartinnagu ilaqutariinnut meerartalinnut nunatsinni najugaqartunut julehjælp-imik agguaasinnaanngilagut. Taamaammat Nanu Meeqqaniit qujarusuppugut suliniutitsinnut tapersersuinissinnut aningaasaliinissinnullu. Aningaasaliinersi kajumissutsimik sulinitsinnut nukissanik pilersitsivoq. Aningaasaliinersi ilaqutariit meerartallit amerlanerit julehjælp-imik tapernissaanik pilersitsivoq, qinnuteqartullu 1.000-it sinnerujussuarmagit aningaasaliinerit tamavimmik tikilluaqqusaangaarlutillu allanngueqataapput – qujanaq!

JUULLI ATAATSIMOORFIUVOQ

Aningaasaateqarfiit suliffeqarfiillu saniatiguttaaq inuinnarnit suliniuterput tapersersorneqarlunilu aningaasaliiffigineqarpoq. Juullilu tassaavoq ataatsimoorfik, tamannalu aningaasaliisut tapersersuisullu tunngavigalugit oqarluarsinnaavugut ilumut ataatsimoorfiusoq. Tapiisunut tamavissinnut qujarusuppugut! Tapiinerimmi tamavimmik ataatsimut aningaasarpassuanngorsinnaapput 20 koruuniusimagaluarpalluunniit tunniussaq – qujamasoqaagut tamannguassinnut, qujanaq! Qujanaq ataatsimooqatigigatsigut, qujanarlu tapersersoratsigut.

Nanu Meeqqat Juulliat pillugu paasisaqarnerorusukkuit una toorlugu atuarsinnaavat.

Ataani aningaasaliisut takusinnaavasi:

Aningaasaaateqarfiit:

Oak Foundation Denmark

200.000 koruuninik tapiipput.

Suliffeqarfiit:

Comby A/S

50.000 koruuninik tapiipput.

Polar Seafood Greenland A/S

15.000 koruuninik tapiipput.

Rotary Nuuk

15.000 koruuninik tapiipput.

SCT Rengøring

5.000 koruuninik tapiipput.

Ilik

5.000 koruuninik tapiipput.

Autonord

5.000 koruuninik tapiipput.

Avi’s Legeland

5.000 koruuninik tapiipput.

FLIES HR CONSULTING

2.500 koruuninik tapiipput.

Royal Press Photo

2.055 koruuninik tapiipput.