Skip to content

Oak Foundation qujanaq

NANU MEEQQAT JUULLIAT

Meeqqat tamarmik juullisiorluarnissaminnut periarfissaqartussaaput, meeqqalli ilaannut juullisiorluarnissaq pisussamisut iinnanngilaq. Taamaammat NANU Meeqqat ukiut kingulliit 11-it NANU Meeqqat Juulliat suliniutiginikuuaa, ukiormannalu aamma aallutileruttorlugu. NANU-mit aningaasat katersat, aningaasaateqarfinni suliffeqarfinni inuinnarnilu, nunatsinni tamani ilaqutaariinnut meeralinnut atorfissaqartitsisunut ingerlateqqinneqartarput juullisiutissatut. 

Juullimi ikiuinermi ilaqutariit meerartallit juullimut pisiassat tunngaviusut pisiarisinnaalertarpaat, assersuutigalugu juullimi nerisassat, orpik meeqqalluunniit tunissutissaat. Ikiuinermi meeqqat ilaqutaariillu qaamanerusumik juullisiornissaminnut periarfissinneqarutillu tapersersorneqartarput. Uani Nanu Meeqqat Juulliat pillugu paasisaqarnerugit.

Oak Foundation NANU Meeqqat Juulliannut tunisivoq

Suliniut kisimi iluatsissinnaavoq aningaasat katersagut atorlugit – tassani Oak Foundation-imit tunissutit annertoqisut NANU Meeqqani qujamasuutigeqisagut.

Oak Foundation 250.000 koruuninimmi tunisivoq!

Ukioq manna Nanu Meeqqat Juulliannut atatillugu 500.000 koruunit atorpagut, Oak Foundation-illu tunniussai ukioq manna atukkatta affarisaanik naleqarput! Nunatsinni ilaqutariit meerartallit 100-t sinnerlugit, tassani meeqqat 250-it sinnerlugit ikiorigut ikiorpaatigut.

Indsats i hele landet og de gode samarbejdspartnere

Oak Foundation Nanu Meeqqat Juulliannut tunisinerminnut arlalinnik tunngaveqarput. Tunngaviit ilarivaat nunatsinni sumiiffinni tamani meeqqat ilaqutaalu ikiorneqassammata, tassa sumiiffik ataasiinnaanngitsoq nunali tamakkerlugu suliniut ingerlasuummat. Suleqatigisaguttaaq suleriuserpullu aamma tunngaviusimavoq, tassanimi kikkorpiaat ikiugassaanersut pitsaanerpaamik nassaariniarneqarmata.

Juulli nalaa anigussallugu artornarneruvoq. Eqqarsaatigisassat nerisassaannaanngillat, kisiannili aamma tunissutit pisiassarpassuillu allat, taamaammat juullilernerani taamannak tapiisinnaaneq pingaaruteqarpoq. Aningaasaateqarfiup siulersuisuini siulittaasua piginnittualu Jette Parker taakkuninnga tunngaveqarluni kiisaatigisimavaa tunisissallutik.

Oak Foundation

Oak Foundation Schweiz-imi inissisimavoq nunarsuarmilu suliniutinut arlalippassuarnut tunisisarluni, ilaatigut angerlarsimaffeqanngitsuni suliniutinut, ordblindit ikiornerini, silap pissusaani avatangiisini allarpassuarnilu suliniutinut aningaasaliisuusarluni. Aningaasaateqarfik Danmarkimi aamma immikkoortortaqarfeqarpoq – Oak Foundation Denmark, taakkualu Kalaallit Nunaanni suliniutinut arlalinnut aningaasaliisuusimalluni. Uani Oak Foundation pillugu paasisaqarnerugit.

QUJANAQ

Tamatta immitsinnut tapersersoqatigiinnikkut ikioqatigiinnikkullu angusaqarnerussaagut, ingammik juullilernerani. NANU-mi suliniutinik ingerlassivugut, aningaasaateqarfiit suliffeqarfiillu suliniutitsinnut aningaasanik tunisinikkut tapersersuipput. Suliniutit tamarmik nunatsinni meeqqat pillugit ingerlanneqarput – taartumi qaamanermik pilersitserusunnikkut. 

NANU-miit Oak Foundation tunisineranut annertoqisumut qujarujussuarpugut – allanik ikiuisugut ikiorpatsigut – qujanaq ❤️

Aamma ilissi peqataarusuppisi? Taava uunga konto normumut: 6471-7848622 ikisigitsi. 

Qujanaq ❤️