Nuuk, 1. december 2022
NANUBØRN-mit nalunaarut:
Nanu Meeqqat Juulliat 2022
Ikiuussinnaasunik amigaateqarneq
2022 NANUBØRN-ip suliaanut ikiuussinnaasunik amigaateqarnermik misigisaqarfiusimavoq. Siulersuisut 4-niit ukioq manna marlunnut ikileriarput.
Siulersuisuni ilaasortap aappaa, kajumissutsiminik suleqataanermini Nanu Meeqqat Juulliannut marlunni aappaasutut sulisussaq, suliffimmi saniatigut ilinniarnini naammassiartorlugu ulapippoq. Siulersuisulini ilaasortap aappaa suliffeqarfiit marluk ingerlallugit. Tassa imaappoq kajumissutsiminnik sulisut marluusut tamarmik juulleriartornerani aningaasanik katersinissamut, oqartussat attaveqarfigalugillu suleqatiginissaanut kiisalu juullimi tapiissummut pisiortornissamut attaveqarneq isumaginninnermullu ajoraluartumik piffissaqanngitsut ukioq manna.
Suliaq
Juulleriartornerani ilaqutariinnut meerartalinnut tapiissutaasartunut suliaq annertoorujussuuvoq, juulleriartorneranilu piffissamik annertuumik atuiffiusussaalluni. Siulersuisut pingaartippaat suliaq iluamik ingerlanneqassasoq, tapigassat eqqortut taperneqassasut, akit torrattut neqeroorutigineqarsinnaaneri aningaasanillu katersuiniarnisaq suliarilluarneqassasoq. Tamanna aaliangiinermut ajornanngitsuunngitsumut aamma peqqutaaqataavoq.
”ajuusaarnaqaaq ukioq manna Nanu Meeqqat Juulliat ingerlassinnaanagu, amerlasoorpassuimmi neriuutigisarpaat juulleriartornerani taperneqassallutik. Ingammik ukiumi akinik qaffaffiusumi” siulersuisuni siulittaasoq Mona oqarpoq. ”Nammineq nalunngisatta akornani, NANUBØRN nittartagaave inuillu attaveqaqatigiittarfianni quppernerisatsinni ikiuukkumasunik ujarleraluarpugut, iluatsinngitsumik” oqaatsini nangippai.
NANUBØRN kajumissutsiminik suliaanut peqataarusussinnaaguit hej@nanu.gl attavigisinnaavat.
Tamavissi juullisiorluarnissassinnik kissaappassi.
NANUBØRN-imi siulersuisut