NANUBØRN ALLANIT INGERLANNEQALERSOQ

NANU MEEQQAT allanit ingerlanneqalersoq

Ukiut 12-it ataannartumik ingerlatsereerlunilu Nanubørn-imik pilersitsisuusoq, Krissie Berthelsen Winberg, tunuarpoq. 

Krissie Berthelsen Winberg aaliangersimavoq, Nanubørn, meeqqanik sumiginnagaasunik ilaqutariinnillu sanngiinnertut inissisimasunik ikiuiniaqatigiiffiusoq, nukinik nutaanik aqunneqarluni ingerlateqqinneqartariaqalersoq. 

Ukiorpassuanngortuni Kalaallit Nunaanni ilaqutariit meerartallit ”taartumi qaamanermik” toqqississutigisinnaasamillu takusassaqalersikkumallugit sulisimavugut. Taamatut siunmnerfeqarluta sulisimavugut, ornittakkanik, juullerpalaartitsisarnernik allanillu ingerlatsisarnikkut. Ingerlanneqartut tamarmik toqqissisimatitsinissamik, imminut naleqassutsimik misigisimalertsitsinissamik aammalu ajunngitsumut saqitsaaniarnermik imaqarlutillu siunertaqartut. Tapersersuiuartartugut tunissuteqartartullu ikiuuttuarnerisigut suliniut ingerlanneqarsinnaa-simapput. Siunertanilu qitiujuarsimavoq ilaqqutariinnik tamarmiusunik akuliutitsinissaq. Taamallu anersaaqarluni suliniarneq maanna allanit isiumannaarniarneqartariaqalerpoq”. Taamatut nalunaaruteqarpoq Krissie Berthelsen Winberg. 

Maannalu Nanubørn sinnerlugu akisussaaffimmik tigumminnilersussaq tassaalerpoq Mona Torp. Monap Nanubørnimi sulineq ilisimaarilluarpaa ulluinnarnilu ajunngitsumik suliniuteqaqataanissaq pingaartittuullugu. Mona Torp namminersortuuvoq annertuumillu kissaatigalugu suliniutinik assigiinngitsunik Nanu-p siunertaanut tulluuttunik amerlanerusunik aallartitsisarnissaq. 

Qilanaarivara Nanubørnip suliaanut iternga tikillugu paasinnikkumallunga ”pulaternissara” siulersuisut nutaat nukiillu nutaat peqatigalugit, 

Nanubørn pillugu: 

  • Ilaqutariit atugarliortut pillugit 2008-mi illoqarfimmi ataatsimiititsereernerup kingorna pilersinneqarpoq 
  • Ingerlanneqartuni tamanai siunertaapput isumaginnilluarnissaq ajornartorsiortunillu ikiuinissaq (ajornartorsiutit suugaluarpataluunniit) 
  • 2010-imi siullermeersumik meeqqat sumiginnaagaasut ikiornissaannut aningaasanik katersiniartoqarpoq pissarsiarineqarutillu 1 mill. koruunit (taamatullu ilioqqinneq ingerlanneqarpoq 2014-imi) 
  • Sumiiffinni assigiinngitsuni ornittakkat 3-t pilersinneqarnikuupput. Tamarmillu ukiut aaliangiussat 3-t iluini naammassisumik ingerlanneqarlutik 
  • Ukiut tamaasa suliniaqatigiiffik julekurvenik tunissutinillu nunarput tamakkerlugu pisariaqartitsisunut agguaassisoqartarpoq taallugu ”Meeqqat pillugit juullisunnitsitsineq” 
  • Nanubørn Meeqqanik Suliniaqatigiiffiit immineq kajumissutsimik ingerlanneqartut Ataatsimoorfianni (Børnealliancenimi) ilaavoq 
  • Nanubørn Pinerlutsaaliunermut Siunnersuisoqatigiinni issiaqataanikuuvoq aammalu Inuit Piginnaatitaaffii Pillugit Siunnersuisoqatigiinni 
  • Nanu immineq kajumissutsimik tunngaveqartumik tamakkiisumik ingerlavoq taamaammalu aningaasarsiaqarfiusuunani

Leave a Reply

Your email address will not be published. Required fields are marked *