Tunissut torralluinnartoq
Kalaallit Nunaanni siunnersuisartutut suliffeqarfiit annersaat ilaat Masanti A/S Nanu Meeqqanut tunissuteqarpoq kusanaqisumik – 20.000 koruuninimmi tunisipput qujamasuutigeqisatsinnik. Aningaasat tunniussaat toqqorpagut qularinngilarpullu nunatsinni ilaqutariit meerartallit decembarimi julehjælp-imik agguaalerutta qujamasuutigissagaat aamma.
Masanti A/S
Masanti siunnersuisartuupput arkitektinik, siunnersortinik teknikerinillu 35 missaanniittunik sulisoqarluni, illoqarfinniku ukunani immikkoortortarfeqarlutik: Maniitsoq, Ilulissat, Nuuk, Sisimiut aammalu Qaqortoq.
Ukiut marlukkaarlugit sulisut naapittarput pikkorissarniarlutik imminnullu ilassiniarlutik. Ulluinnarni suleqatit akornanni attaveqarneq oqarasuaatikkut teams-ikkullu pisarpoq, taamaammat naapittarnerit iluaqutaallutillu tikilluaqqusaasaqaat.
Ukioq manna apriilimi naapinneq Ilulissani pivoq, pilersaarutillu ilaat tassaavoq sulisut akornanni akitsorterussineq. Sulisut nammineq nassarlutillu akitsorterussipput, pilersaarusiarlu tamanit nuannarineqarluartaqaaq.
Tunniussineq meeqqat iluaqutigissavaat
Ukioq manna isertitat Nanu Meeqqanut tunniunneqarnissaa aaliangersimavaat. Sulisullu akitsorterussinermi 13.696 koruunit katersorsimavaat, tamannalu Masanti-p akunnaallillugit amerlisippai tunissut katillugu 20.000 koruuninngortillugu.
Masanti oqaluttuarpoq Nanu Meeqqat toqqarsimallugu suliniutimmi meeqqat iluaqutigissammassut. Suliffeqarfimmi tapersiigaangamik, assersuutigalugu qaqortumi skate aamma sikkilertarfik, pingaartittuuaat meeqqat iluaqutissaannut suliniutinut ingerlasassasut.
Naapinnermi sulisut 30-it missaanniipput, Nanu Meeqqaniillu qujamasulluinnarpugut tunissummut, sulisunuttaaq suliamut iliuuseqarnerannut taamak kusanartigisumut qujamasoqaluta. Tunissutimmi taamaattut pitinnatigit julehjælp-imik agguaasinnaannginnatta. Masanti sulisullu tamassi suliniutitsinnut tapersersuinissinnut qujanarujussuaq!
AAMMA ILLIT TAPERSERSUEQATAARUSUPPIT?
Nanu Meeqqanit julehjælp-imik agguaasinnaanngilagut suliniutitsinnut taperneqanngikkutta. Ilaqutariit meerartalinnut allanngueqataagit tapiinikkut:
Konto normu: 6471-7848622
MobilePay: 106929
Qujanaq!