Skip to content

KNI Nanu Meeqqat Juulliannut tunisivoq

NANU MEEQQAT JUULLIAT

Meeqqat tamarmik juullisiorluarnissaminnut periarfissaqartussaaput, meeqqalli ilaannut juullisiorluarnissaq pisussamisut iinnanngilaq. Taamaammat NANU Meeqqat ukiut kingulliit 11-it NANU Meeqqat Juulliat suliniutiginikuuaa, ukiormannalu aamma aallutileruttorlugu. NANU-mit aningaasat katersat, aningaasaateqarfinni suliffeqarfinni inuinnarnilu, nunatsinni tamani ilaqutaariinnut meeralinnut atorfissaqartitsisunut ingerlateqqinneqartarput juullisiutissatut. 

Juullimi ikiuinermi ilaqutariit meerartallit juullimut pisiassat tunngaviusut pisiarisinnaalertarpaat, assersuutigalugu juullimi nerisassat, orpik meeqqalluunniit tunissutissaat. Ikiuinermi meeqqat ilaqutaariillu qaamanerusumik juullisiornissaminnut periarfissinneqarutillu tapersersorneqartarput. Uani Nanu Meeqqat Juulliat pillugu paasisaqarnerugit.

KNI Nanu Meeqqat Juulliannut tunisivoq

“KNI-mit pingaartipparput suliniutit inuiaqatigiinnut tunngassuteqartut tapersersussallugit. Nuannaarutigaarput Nanu Meeqqat Juulliat pilersinneqarsimammat, taamasillutalu aamma KNI-mit ilaqutariit juullilernerani nerisassanut, tunissutissanut atorfissaqartitsisunullu ikiuinertut tapersersueqataasinnaalluta, ilaqutariit meeqqat peqatigalugit juullisiorluarsinnaanissaat eqqarsaatigalugu.” KNI tunisinerminni oqaluttuarput.

Suliniut kisimi iluatsissinnaavoq aningaasat katersagut atorlugit – tassani KNI-imit tunissutit annertoqisut NANU Meeqqani qujamasuutigeqisagut.

QUJANAQ

Tamatta immitsinnut tapersersoqatigiinnikkut ikioqatigiinnikkullu angusaqarnerussaagut, ingammik juullilernerani. NANU-mi suliniutinik ingerlassivugut, aningaasaateqarfiit suliffeqarfiillu suliniutitsinnut aningaasanik tunisinikkut tapersersuipput. Suliniutit tamarmik nunatsinni meeqqat pillugit ingerlanneqarput – taartumi qaamanermik pilersitserusunnikkut. 

NANU-miit KNI tunisineranut annertoqisumut qujarujussuarpugut – allanik ikiuisugut ikiorpatsigut – qujanaq ❤️

Aamma ilissi peqataarusuppisi? Taava uunga konto normumut: 6471-7848622 ikisigitsi. 

Qujanaq ❤️