NANU MEEQQAT JUULLIAT
Meeqqat tamarmik juullisiorluarnissaminnut periarfissaqartussaaput, meeqqalli ilaannut juullisiorluarnissaq pisussamisut iinnanngilaq. Taamaammat NANU Meeqqat ukiut kingulliit 11-it NANU Meeqqat Juulliat suliniutiginikuuaa, ukiormannalu aamma aallutileruttorlugu. NANU-mit aningaasat katersat, aningaasaateqarfinni suliffeqarfinni inuinnarnilu, nunatsinni tamani ilaqutaariinnut meeralinnut atorfissaqartitsisunut ingerlateqqinneqartarput juullisiutissatut.
Juullimi ikiuinermi ilaqutariit meerartallit juullimut pisiassat tunngaviusut pisiarisinnaalertarpaat, assersuutigalugu juullimi nerisassat, orpik meeqqalluunniit tunissutissaat. Ikiuinermi meeqqat ilaqutaariillu qaamanerusumik juullisiornissaminnut periarfissinneqarutillu tapersersorneqartarput.
BANKNORDIK NANU Meeqqat Juulliannut tunisivoq
Suliniut kisimi iluatsissinnaavoq aningaasat katersagut atorlugit – tassani BankNordik-mit tunissutit annertoqisut NANU Meeqqani qujamasuutigeqisagut.
BankNordik aperigatsigu sooq tuniserusussimanersut imannak allapput:
”BankNordik-imi oqaluttuarisaanitsinni ukiut 100-t sinnerlugit sivisussuseqartumi najukkani nunaqarfiuppata illoqarfiuppataluunniit sorlaqarpugut, uagutsinnullu pingaaruteqartuuvoq inuiaqatigiinni ineriartornermi tunniusseqataasinnaanissarput. Nalunngilarput atugarissaarneq aningaasanik aqutsineq piujuarnerlu ataqatigiittuusut, taamaammallu NANU Meeqqat suliniutaannut pingaaruteqaqisumut tunisersussimavugut, taamaasilluta ilaqutariit meerartallit pissakilliortut juulleriartornerani aningaasatigut tapersernerani peqataalluta.”
BANKNORDIK
BankNordik aningaaseriviuvoq Kalaallit Nunaanni atuisunik inuussutissarsiortunillu sullissisuulluni. Aningaaseriviup sullitani Nuummiit sullittuuai Kalaallit Nunaannilu sumiiffiit amerlanersaanni aamma attavigineqarsinnaalluni Tusass suleqtigineratigut.
BankNordik Savalimmiuneerpoq, oqaluttuarisaaneraniillu takeqisumit sullitat siunnersortarlugit, taamaasilluni ulluinnarni aningaasaateqarnerup iluani kiisalu aaliangigassani annerusuni siunnersuilluarsinnaalluni.
QUJANAQ
Tamatta immitsinnut tapersersoqatigiinnikkut ikioqatigiinnikkullu angusaqarnerussaagut, ingammik juullilernerani. NANU-mi suliniutinik ingerlassivugut, aningaasaateqarfiit suliffeqarfiillu suliniutitsinnut aningaasanik tunisinikkut tapersersuipput. Suliniutit tamarmik nunatsinni meeqqat pillugit ingerlanneqarput – taartumi qaamanermik pilersitserusunnikkut.
NANU-miit BankNordik tunisineranut annertoqisumut qujarujussuarpugut – allanik ikiuisugut ikiorpatsigut – qujanaq ❤️
Aamma ilissi peqataarusuppisi? Taava uunga konto normumut: 6471-7848622 ikisigitsi.
Qujanaq ❤️