Meeqqat tamarmik juullisiorluarnissaminnut periarfissaqartussaaput, meeqqalli ilaannut juullisiorluarnissaq pisussamisut iinnanngilaq. Taamaammat NANU Meeqqat 2008-mili NANU Meeqqat Juulliat suliniutiginikuuaa. 

NANU-mit aningaasat aningaasaateqarfinnit suliffeqarfinnit inuinnarnilu katersat nunatsinni tamani ilaqutaariinnut meeralinnut atorfissaqartitsisunut ingerlateqqinneqartarput juullisiutissatut. 

Juullimi ikiuinermi ilaqutariit meerartallit juullimut pisiassat tunngaviusut pisiarisinnaalertarpaat, assersuutigalugu juullimi nerisassat, orpik meeqqalluunniit tunissutissaat. Ikiuinermi meeqqat ilaqutaariillu qaamanerusumik juullisiornissaminnut periarfissinneqarutillu tapersersorneqartarput. 

2021-mi ikiuinitsinni kisitsisit:

• Nunatsinni kommunini tamani, illoqarfinni nunaqarfinnilu arlalippassuarni ikiuivugut
• Ilaqutariit meerartallit 258-t ikiorpagut
• Tassani meeqqat 544-llutik

KOMMUNIT PEQQINNISSAQARFINNILU SULISUT

Nunatsinni kommunit peqqinnissaqarfimmilu sulisut suleqatigilluarpagut. Taakkua ikiuinerisigut kikkut ikiugassaasarnersut nassaarisarpagut. Nunatsinni kommuninut tamanut, kommunimi sulisunut pikkoreqisunut, peqqinnissaqarfimmi sulisunut, qujassutissaqaqaagut. Suleqatigiilluarnitsinnut qujanaq – ikiuinersi pissutaalluni ikiugassat ikiorpagut.

TAPIISUT – QUJANAQ

Juullimi ikiuinerput pisinnaanngilaq taperserneqanngikkutta aningaasallu katersagut katersorsimasinnaanngitsuugutsigit. Tamatta ikioqatigiikkutta periarfissagut atukkagullu pitsaanerussapput. 2021-m 527.000 koruunit sinnerlugit juullimi ikiuinertut ingerlateqqippagut tamannalu pisinnaanngilaq tapiisut aningaasanik tapiisimanngitsuuppata. 

Aningaasaateqarfinnut suliffeqarfinnullu ukununnga qujarujussuarpugut:

• Oak Foundation
• Comby A/S
• INI A/S
• Masanti
• AutoNord
• Arctic Logo
• EMJ Atcon
• Sct Rengøring
• Anuni
• NunaFonden
• Helene og Svend Junge Fonden
• KNI A/S
• Banknordik
• Sermitsiaq.AG

Qujanaq tapersersorlutalu aningaasanik tapiigassi, ikiuisugut ikiorpatsigut ❤️