Qujanaq
Nanu Meeqqat Juulliat ingerlannaviarnagu nalunaareerluta arlallit saaffiginnipput ikiuukkumallutik. Tamanna qujamasuutigeqaarput!
Tamari akereernissitut ukiumi nutaami naapissaagut. Nittartagatsinni inuillu attaveqaqatigiittarfianni siammerteriumaarpugut, malinnaaniarisi.
Aaliangiineq oqitsuusimanngilaq
Taamannak aaliangiinerput oqitsuusimanngilluinnarpoq, tamanna qularissanngilarsi.
Ajoraluartumilli ikiuussinnaasunik amitaateqarpugut. Maannakkuugallartoq siulersuisuni marluinnaagallarpugut, ikiuussinnaasunillu allanik saaffissaqarata. Saaffiginnittulli neriuuteqalersitsipput, qularinngilarpullu aappaagu ingerlassisinnaassalluta.
Akisinnaanngilarput sooq taamak ajorartiginersoq kajumissutsiminnik ikiuukkumasunik nassaarnissaq. Aperisatta ilaasa aatsaat akissarsiutigalugu ikiuukkumapput, tamannalu naaggaartariaqarsimavarput. Aningaasammi katersat ikiuinitsinnut ingerlassapput suliamuunngitsoq. Ilai akisarput ajoraluartumik piffissaqarnerarnatik. Neriuttuarpugut amerlanernik nassaarsinnaassalluta, piffissat ilaanni ikiuukkusussinnaasunik.
Periutsit allanngorneri
Misissukkatta ilarivaat qanorpiaq juullimut ikiuisarnerput ingerlassinnaagipput ajornannginnerusumik pitsaanermillu periuseqartumik. Akissutsillu ilagivaat ikiugassatta paasiniarnerini periusaasumi pitsanngorsaanissaq.
GDPR peqqutaalluni periuserisarnikuusagut atuussinnaajunnaarnikuupput, piffissarlu annertooq suliamut tassunga ingerlasalernikuulluni. Pitsanngorsaasinnaagutta nukigut aningaasanut katersiniarnermut ikiuinermilu pisiortornermut atorsinnaalissavagut, tamannalu suliniutigaarput.
Allaffigitigut
Ikiuukkusussinnaassavit? Taava uanga allaffigitigut: hej@nanu.gl