Skip to content

NANU MEEQQAT Juulliat

Suliniummut tunuliaqut

Kalaallit Nunaat inuuffigissallugu akisuujuvoq, ilaqutariittullu atugarliortuni ulluinnarni pissakilliornareeqaaq. Meeqqat tamarmik juullisiorluarnissaminnut periarfissaqartussaaput, meeqqalli ilaannut juullisiorluarnissaq pisussamisut iinnanngilaq. Taamaammat NANU Meeqqat 2008-mili NANU Meeqqat Juulliat suliniutiginikuuaa. NANU-mit aningaasat aningaasaateqarfinnit suliffeqarfinnit inuinnarnilu katersat nunatsinni tamani ilaqutaariinnut meeralinnut atorfissaqartitsisunut ingerlateqqinneqartarput juullisiutissatut. 

Ikiuineq

Juullimi ikiuinermi ilaqutariit meerartallit juullimut pisiassat tunngaviusut pisiarisinnaalertarpaat, assersuutigalugu juullimi nerisassat, orpik meeqqalluunniit tunissutissaat. Ikiuinermi meeqqat ilaqutaariillu qaamanerusumik juullisiornissaminnut periarfissinneqarutillu tapersersorneqartarput. 

Suliniut

Erseqqissarlugu NANU aningaasanik qinnuteqartarpoq, katersallu taakkua gavekortinngorlutik ilaqutariinnut meeralinnut nunarput tamakkerlugu najugalinnut ingerlateqqinneqartarlutik. Katersat atorlugit ilaqutariit juullilernerani nerisassanut, tunissutissanut atorfissaqartitsisunullu ikiuinertut tunniunneqartarput meeqqatik peqatigalugit juullisiorluarsinnaaniassammata – NANU MEEQQAT juulliat.

Ilaqutariinnut 1.000 koruuni meeqqamullu ataatsimut 500 koruuni tunngavigalugit gavekortit pisiarisarpagut. Gavekortit taakkua ilaqutariit pisinniarfiliarsinnaanissaannut periarfissiisuupput, soorlu juullimi nerisassanut. Gavekortit imigassanut assigisaannullu atorneqarsinnaanngillat.

Kommune suleqatigaarput

Nunatsinni kommunit peqqinnissaqarfimmilu sulisut suleqatigilluarpagut. Taakkua ikiuinerisigut kikkut ikiugassaasarnersut nassaarisarpagut. 

Allatut oqaatigalugu qinnuteqaatinik tigooraaneq ajorpugut. 

Isumaqarpugummi kommunit paasissutissat atorfissaqartut pigigaat, nunatsinnimi innuttaasut qanimut sullitarisuummatigit. Uagut aningaasanik katersineq ingerlatitseqqiinerlu nukittuffigalugillu aalluppagut.

Ilaassavit?

Suliaq kisimi iluatsissinnaavoq aningaasat katersagut atorlugit.

Kinaluunniit ikiuinissatsinnut ikiuussinnaavoq!
Kontotsinnut:  6471-7848622 toqqaannartumik ikisisinnaavutit. 
MobilePay normu atorlugu tapiisinnaavutit: 106929

Suliffeqarfiuguit eqqaamalaassavat e-mailimik nassissalluta suliffeqarfissi ilisarnaataa ilanngullugu! Taannami ukioq manna suliniut pillugu qupperneq pilersitassatsinnut atortussaavarput, kiisalu ukiup nutaap aallartinnerani Sermitsiai AG-milu qujaniarnitsinni aamma atortissaallugu. 

Tapiissut annertuneruppat naapilaarnissatsinnut qaaqqusivunga, oqaluttuanngortissinnaaniassavarput Facebook-imi quppernitsinni nittartakkamilu saqqummiunneqartussamik ☺️ 

Nunarput inuuffigissallugu akisuujuvoq, ilaqutariittullu ilaanni ulluinnarni pissakilliornareeqaaq.

Ukiuni kingullerni aqqanilinni aningaasanik katersisarpugut Kalaallit Nunaat tamakkerlugu ilaqutariinnut meeralinnut agguartakkatsinnik – ukiormannalu suliaq ingerlateqqipparput 👏🏼

Aningaasat katersagut atorlugit ilaqutariit juullisiornissamut akissaqarnissaat, tassani juullimi nerisassanut, tunissutissanut kiisalu ilaqutariit meeqqatik juullisioqatiginissaannut tapiinerupput- Nanu Meeqqat juulliat 🎅🏽❤️

Ikiuerusuppit? 🎄

Nanu Meeqqat kontoat tassaavoq:

❤️ 6471-7848622 ❤️

Mail-imik hej@nanu.gl-imut nassiussigina, qujaffigisinnaaniassavatsigit ❤️