Comby Greenland A/S NANU Meeqqat Juulliannut tunisivoq

NANU Meeqqat Juulliat

Meeqqat tamarmik juullisiorluarnissaminnut periarfissaqartussaaput, meeqqalli ilaannut juullisiorluarnissaq pisussamisut iinnanngilaq. Taamaammat NANU Meeqqat ukiut kingulliit 11-it NANU Meeqqat Juulliat suliniutiginikuuaa, ukiormannalu aamma aallutileruttorlugu. NANU-mit aningaasat katersat, aningaasaateqarfinni suliffeqarfinni inuinnarnilu, nunatsinni tamani ilaqutaariinnut meeralinnut atorfissaqartitsisunut ingerlateqqinneqartarput juullisiutissatut. 

Juullimi ikiuinermi ilaqutariit meerartallit juullimut pisiassat tunngaviusut pisiarisinnaalertarpaat, assersuutigalugu juullimi nerisassat, orpik meeqqalluunniit tunissutissaat. Ikiuinermi meeqqat ilaqutaariillu qaamanerusumik juullisiornissaminnut periarfissinneqarutillu tapersersorneqartarput. 

Suliaq kisimi iluatsissinnaavoq aningaasat katersagut atorlugit – tassani Comby Greenland A/S-mit tunissutit annertoqisut NANU Meeqqani qujamasuutigeqisagut.

IT iluani sullissisoq Comby

Comby A/S Brian Torp-imit 2000-mi pilersinneqarmat pissutsit pitsanngorsarnissaat tunngavigalugu pilersinneqarpoq. Suliffeqarfimmik privatiusumik IT-lerisumik 100%-mik kalaallinit pigineqartumik pilersitsereernermi ukiut qullii tulit suliffeqarfinnik allanik pisiortornermik kattunnikkullu pipput. Qullersaqarfimminnit Nuummiittumit tunngavimmik qajannaatsumik pilersitsipput sulilu ineriartornissamullu periarfissaqarluartumik. 

Naliginnaasuugaluarpoq qallunaat nunaanniit nunatsinnut suliffeqarfiit siammartarnerat, 2020-mili Comby ineriartornerup qallunaat nunaannut siammarnissaa toqqarpaa ullumilu Slagelsemiit aamma sullissilernikuullutik. 

Allaffeqarfinnit marluusunit sullitat nunatsinniittut qallunaallu nunaanniittut sulliffeqarput, sulisunit ilisimasaqarluartunit. Sulisut pingaartitarisuuaat sullitammi atorfissaqartitai aallulluarnissai minnerunngitsumillu sullissilluarnissaq. 

Una toorlugu Comby paasisaqarfiginerujuk. 

Comby nunatsinni meeqqanut tunisisarnerat ileqquuvoq maligarisaq

Ukiuni arlalinni Comby nuummi børnehjemminut tunisisarnikuupput. Aningaasat tunniussat meeqqanut najugaqartunut juullimi tunisinnissaannik qulakkeerinneqataaneruvoq. ”Nunatsinni suliffeqarfittut akisussaaffitta siunissami IT-lerisussanik ilinniartitseqataaneratigut kivinneratiguttaaq NANU Meeqqat Juulliattut ittut suliniutit tapersersorusuppagut” Pisorta Brian Torp oqarpoq nangillunilu: ”tunisinikkut nunatsinni ilaqutariinnut pissakitsunut allanngueqataasinnaavugut. Periarfissaq taanna ammasumik tigulluarparput”.

Qujanaq

Tamatta immitsinnut tapersersoqatigiinnikkut ikioqatigiinnikkullu angusaqarnerussaagut, ingammik juullilernerani. NANU-mi suliniutinik ingerlassivugut, aningaasaateqarfiit suliffeqarfiillu suliniutitsinnut aningaasanik tunisinikkut tapersersuipput. Suliniutit tamarmik nunatsinni meeqqat pillugit ingerlanneqarput – taartumi qaamanermik pilersitserusunnikkut. 

NANU-miit Comby A/S tunisinera annertoqisamut qujarujussuarpugut – allanik ikiuisugut ikiorpatsigut – qujanaq ❤️

Aamma ilissi peqataarusuppisi? Taava uunga konto normumut: 6471-7848622 ikisigitsi. 

Qujanaq ❤️

Leave a Reply

Your email address will not be published. Required fields are marked *