Tusagassiutinut nalunaarut:
Juulli tuaviinnaq qanilliartupallappoq. Imaalitsianngitsoq, amerlanerpaajusugut nerrivimmi juullip nerisassaataanik mamartorsuarnik ataatsimoorluta nerilereersimassuugut – orpiullu ataani poortungassaqarluta.
Sapaassuaq, ilaqutariit amerlasuut qilanaarlutik ornittagaat. Taamaattorli aamma ilaqutareeqarpoq, asasaminnut kissaatimittut juullisiortitsinissaminnut periarfissaqanngitsunik.
Nammineq kajumissutsimik peqatigiiffik NANUBØRN aamma pisiniarfik Pisiffik soqutiginartumik isumaqatigiissuteqaqqammerput, ukiuni tulliuttuni suliniarneq nukittorsarniarlugu ilaqutariit meerartallit pissakinnerusut Kalaallit Nunaat tamaat aningaasanik katersuiniuttalerniarlugit.
Suleqatigiinnerup NANUBØRN-ini alloriarneq pingaartoq malunnartinneqassaaq, qulakkeerusunneqarmat, ilaqutariit meerartallit amerlanerusut Kalaallit Nunaat tamakkerlugu juullimutikiorserneqartarnissaat.
NANUBØRN pillugu
NANUBØRN peqatigiiffiuvoq nammineq kajumissutsiminik ingerlasoq, ukioq tamaat suliniuteqartoq aningaasanik isertitsiniarluni. Taakku aningaasat juullimut ikiuutitut atorneqassapput ilaqutariinnut meerartalinnut pisariaqartitsisunut ammalu ilaqutariinnut meerartalinnut aningaasaatikinnerusunut.
Suliniutitigut soorlu juullimut ikiorsiinissatut kissaatigaarput ilaqutariinnut qaamanermik tunisinissaq, sapaassuarni nuanniilliortunut. Suliattaq aningaasaliissutit isumalluutigaat, taamaattumilluuna qujaniarnerujussuarmik peqarluta, nalunaarutigisinnaanngoripput Pisiffik-mik suleqateqalernerpit.
Ukioq kingulleq NANUBØRN suliffeqarfinnut 154-inut saaffiginnissimapput, taakkunanngalu quligiluat suliniummut tapeerusussimapput. Taassuma takutippaa aningaasanik katersiniartarnerup qanoq kipiluttunarsinnaatiginera. Taamaattumik suleqatigiinneq taanna Pisiffik-mik pingaartorujussuartut suliniarnitsinnut tapertaasussatut isigaarput aammalu Kalaallit Nunaanni sineriammi tamarmi ilaqutariit meerartallit amerlanerusut nuannersumik juullisiornissaannut ikiorsinnaalerlugit.
Pisiffimmut tunngasoq
Pisiffik Kalaallit Nunaanni ulluinnarni pisariaqartitanut pisiniarfiit annersaraat 54-inik pisiniarfiutilik illoqarfinni arfinilinni siammarsimasunik.
Nunaqavissunut ukiorpassuarni tunniusimanermigut ilaqutariippassuillu unammilligassaannut paasinnissinnaanermigut, Pisiffik NANUBØRN-imut suleqatigissallugu tulluulluinnarpoq.
Suleqatigiinnerup ilaqutariinni meerartalinni allannguisinnaaneq pilersissinnaavaa, tulluusimaarutigaarpullu anguniakkatsinni Pisiffik suleqatigisinnaagatsigu.
Ataatsimoorluta siunissaq pitsaasoq angussavarput
NANUBØRN qujamasuutigisorujussuuaa suleqatigiilersimaneq, isumaqaratta ukiuni tulliuttuni suleriaqqinnissatsinnut malunnartumik allannguutaassasoq.
Aningaasaliisoqanngippat uanitullu suleqatigiittoqanngippat pisariaqartitsinerpaat juullimut qilanaalersinnissaannut anguniagarput angusinnaanavianngikkaluarparput.
Kikkut tamaasa kajumissaarpagut nittartagarput inuillu oqallittarfiini malinnaaqqullugit Pisiffimmillu suleqateqarnerput annertunerusumik paasisaqarfigalugu aammalu qanoq ilaqutariippassuit tapersersukkagut qanoq iluaqutigisimaneraat malinnaaffigalugu.
Apeqqutinut:
Mona Steenholdt, Siuittaasuni siulersuisoq, NANUBØRN
attavigiuk