Nanu Meeqqani qujamasuutigeqaarput Ilik ukiuni qulini nalliuttorsiornerminni suliniutaannut. Qaaqqusinerminnimi tunissutit naasullu pinagit kissaatigaat Nanu Meeqqanut tuniserusuttut tapiissasut. Taamaasillutik nalliuttorsiuinnanngillat suliniutitsinnulli aamma tapersersuillutik nunatsinni meerarpassuarnut sunniuttussamik.
Ilik Maren Sander Granlien-imit 2013-mi pilersinneqarpoq, arfinilinnik sulisoqarluni Nuummilu allaffeqarlutik.
Suliffeqarfiup atia “Ilik” uatsinnut tulluarluarpoq. Akisussaaffimmimmi tiguseqataallutillu ilaqutariinnut meerartalinnut katersiniarnitsinni ilitigaluta iliuuseqarput.
IT iluani suliffeqarfinnimmi anguniagaat maanna aamma ilaqutariinnut juullilernerani tapersersorneqarnissaminnut atorfissaqartitsisunut aamma iluaqutaasussanngorpoq.
Kajumissaataat: “Ukiuni qulinngortorsiornitsinni ilassinninnissamut qaaqqusinitsinni naasunik tunisutisiassatsinnilluunniit tuninata kissaatigaarput Nanu Meeqqanut tapiissuteqassasusi. Nanu Meeqqammi ilaqutariinnut meerartalinnut nunatsinni najugalinnut pingaaqisumik tapersersuipput toqqaannartumik. Suliniutaat tapersersoripput ikiortigut.” Oqariartuutaat nuannerisup takutippaa qanoq isilluta ataatsimooraangatta allanngueqataasinnaasartugut, neriuppugullu suliffeqarfiit allat isumassarsissasut iliuusaanniit.
Qujanarujussuaq taamak iliorniarlusi aaliangiinissinnut. Takutipparsi allannguutit mikisut annertuumik aamma kinguneqarsinnaasartut, ataatsimullu kivitseqatigiikkaangatta suut angusinnaanerigut. Kissaatersi ataqqivarput uummammillu qujalluta.