Autonord august 2008-mi pilersinneqarpoq, biilileriffiinnaananilu. 26-nik sulisoqarput, tassani ilinniartut ilaallutik. Nunatta siunissai taamaasillutik ilinniarnerannut peqataapput. Sullitami sullilluarnissaattaaq pingaartittuuaat.
Suliffeqarfiup ataqatigiinneq pingaartitarisuuaat akulikitsumillu peqatigiinnissaq pilersaarusiortarlugu. Grillereqatigiinnerit, tusarnaariaqatigiinnerit umiatsiaqatigiinnerilluunniit nuannisaqatigiillutik pilersaarusiorlugillu aalluttarpaat taamaasillutillu ataqatigiinneq pilersillugulu aalluttarlugu.
Ataqatigiinneq tatiginninnerlu naliupput qitiusut, iluminni sullitaminnullu.
2021-mili Autonord-ip julehjælp-imut katersisarnitsinni aalajaallutik tapersersuilerput.
Qinnuteqaraangatta sukkasuumik akisarput, tapersersuiuarnerallu erseqqarippoq: “Malunniuteqarluartumi tapeerusuppugut. Tapiinitta sumorpiaq ingerlasarnera erseqqarippoq tamannalu tapiinitsinnut aamma aaliangeeqataasuuvoq. Suliniummullu allanut allanngueqataasinnaasumut peqataarusuppugut” oqarput.
Julehjælp-imut tapersersuinerat ataatsimut kivitseqatigiinnermuttaaq tunngavoq, ilaqutariinnullu meerartalinnut nunatsinni najugaqartunut allanngueqataasuummat aamma tapersersorusussimavaat.
Autonord-imut pingaaruteqarpoq tapiinerat tigussaasumik naleqartumik pilersitsissasoq, inoqatinullu pingaassuseqartoq. Inuiaqatigiit soqutigisuuaat peqataallutillu tapersersuerusuttuullutik.
Autonord qujanarujussuaq tapersersuiarnissinnut, ataatsimooqatigiissinnaanerpullu aamma qujamasuutigeqaarput. Allanngueqataavusi, suliffeqarfissinni inuiaqatigiinnilu.