Kalaallit Nunaanni najugaqaruit, ilaqutariiugussi meerartallit taarsineranilu qaamanermik atorfissaqartitsillusi qinnuteqaat quppernermi uani immersorsiuk.
NANUBØRN ulluni makkunani aningaasanik katersipput qinnuteqartut julehjælp-imik taperniarlugit. Qinnuteqartut tamavimmik julehjælp-imik pinissaat neriorsuutigisinnaanngilarput, sapinngisarpulli tamaat anguniassallugu.
Aningaasat katersat tamarmik julehjælp-imut ingerlassapput, ilaqutariillu meerartallit qinnuteqartut amerlanerpaat julehjælp-innannissaat suliniutaavoq.
Piffissaq qinnuteqarfissaq novembarip aallaqqaataaniit 2025 ingerlassaaq novebarillu 22-iat 2025 ilanngullugu qinnuteqarfigineqarsinnaalluni.
Julehjælp decembarip 22-iani 2025 agguaanneqassapput, tamannalu Pisiffik Pilersuisorlu suleqatigalugit ingerlassalluni.
Ilaqutariit meerartallit qinnuteqarsimasut julehjælp-innattut toqqaannartumik emailikkut nalunaarfigineqarumaarput.
Pingaaruteqarpoq immersuinermi paasissutissat eqqortut allannissai.
Qinnuteqaaterpassuarnik pisarpugut, qinnuteqaatillu paasissutissanik amigartunik eqqunngitsunilluunniit imallit peerneqartarput.
Email adressi eqqortuunera qulakkeeriuk, akissutimmi tassunga nasssiunneqassammata.
Aningaasanik ikiorsiissutinik qinnuteqartoqartillugu Meeqqanut suliniaqatigiiffiup Nanu Børnip inuit ataasiakkaat pillugit paasissutissat nalinginnaasut kiisalu isertuussassat suliarisarpai.
Meeqqanut suliniaqatigiiffimmi Nanu Børnimi kissaatigaarput aningaasanik ikiorsiissutissanik qinnuteqartut tamatigut tatigisinnaassagaatigut. Ilisimavarput paasissutissat inunnut ataasiakkaanut tunngasut pissarsiarigaangatsigit taakkua illersorneqarnissaannut akisussaaffeqarluta. Taamaattumik IT-mi aaqqissuussinerit, ingerlatseriaatsit nakkutilliissutillu atorlugit isumannaarsuisarpugut, inuit ataasiakkaat pillugit paasissutissanut inatsit malillugu suliassagut ingerlanneqarsinnaaqqullugit taamalu qinnuteqartoq pillugu paasissutissat suliarineqarlutillu toqqorneqarsinnaanissaat isumannaatsumik, taakkulu ataqqineqarnissaat ataqqisarlutigu.
Nanu Meeqqat Juulliannut tapeerusuppit? Tapiineq ajornanngitsunnguamik kontotsinnut nuussinikkut MobilePay-iluunniit atorlugu pisinnaavoq:
Konto normu: 6471-7848622
MobilePay: 106929
Tapiissutit tamarmik qujamasuutigaagut tamavimmillu ikiuisinnaapput!
Suliniutitsinnut aningaasaliisoqartinnagu ilaqutariinnut meerartalinnut nunatsinni najugalinnut julehjælp-imik agguaasinnaanngilagut. Taamaammat tapiisunut tamanut uummammit qujarusuppugut.
Qujanaq peqatigaluta nunatsinni ilaqutariinnut meerartalinnut taarsinerani qaamanermik pilersitseqatigigatsigut.
Qujanaq takutikkassiuk qanoq angusaqarsinnaasugut ataatsimooraangatta.
Ataani ingerlariaqqiffissami aningaasaliisut tamaasa takukkit: