NANUBØRN-imiit Pisiffik qamannga pisumik qujaffigerusupparput. Suleqatigiilluarnermi ukiut aappassaanik ingerlaleruttorpoq, taamaasilluta suleqatigiilluarnikkut qulakkiissavarput nunatsinni ilaqutariit meerartallit suli amerlanerit julehjælp-imik taperneqarsinnaanerat.
Sulisut allanngueqataapput
Ukioq manna Pisiffimmi sulisut arlallit nammineerlutik immikkuullarittumik suliniuteqarput. Namminnermi pisiortorfimminnut saaffiginnissimapput, suleqatigiinnerput saqqummiullugu aningaasanillu amerlanernik katersinissamut periarfissarsiorlutik.
Sulisut taamak iliorsimanerat maannamut tigussaasumik kinguneqalereerpoq. Pisiortorfiimmi Karen Vold, Nordthy A/S kiisalu Sunshine Delights tapersersuiumallutik saaffiginnissutit tigulluarsimavaat.
Tunisassiat katersinitsinnut tapiisut
Piffissaq aaliangersimasumi Pisiffiup pisisartui kaageeqqanik naatitanillu panertitanik pisisinnaapput akip ilaa katersinitsinnut toqqaannaq ingerlaqqittussaq.
Taamak tapiinerup periarfissippaatigut ilaqutariit meerartallit amerlanerit suli julehjælp-imik agguaavigisinnaaneranik, angorusutattalu qanillineruneranut. Kissaatigeqaarpummi qinnuteqartut amerlanerit tapiivigisinnaassallutigit juulleriartornerani.
Imannak tapersersuisinnaavutit
Tapiissutit tamavimmik – annertuuniit minnernut – toqqaannartumik allanngueqataapput. NANUBØRN julehjælp-imut katersinera tapersersorusukkukku aajukua periarfissat:
MobilePay: 106929
Bankoverførsel: 6471-7848622
Qujanarujussuaq
Pisiffimmut uummammit qujarusuppugut, sulisuinut sullareqisunut kiisalu pisiortorfissinnut tapersersuerusullutik aaliangersimasunut. Suleqatigiinnerit imaattut ataatsimut kivitsineq piviusunngortittarpaa nunatsinnilu ilaqutariit meerartalinnut najugalinnut pitsaanerusumik atugaqarnissaanik pilersitseqataalluni.