TUSAGASSIUTINUT NALUNAARUT
NANUBØRNimi ukioq naallugu kajumissutsitsinnik suliniutitsinnut julehjælp aqqutigalugu meeqqanut qaamanermik nuannaarnermillu pilersitsinissaq suliniutigisarparput. Ukioq mannalu katersinissamut iluaqutaasussamik nutaamik saqqummeerusuppugut. Bamsimimmi sanatitsivugut ilisarnaatitsinnit ilusilersukkamik katersinitsinnut iluaqutaasussamik.
NunaFond-imut qujanaq
NunaFond-imiit qujamasunnaqisumik taperneqarneq peqqutaalluni oqarsinnaalerpugut bamsit tunineranit isertitat tamarmik katersinissatsinnut toqqaannartumik ingerlaqqissinnaalersut.
Bamsit tunisat tamavimmik meeqqat juullisiorluarnissaanut eqqaamasassanullu nutaanut peqalernissaanut iluaqutaalerput.
Katersiniarnermi nutaaliorneq
Bamsi nutaaq tunissutissatsialaavoq, meeqqanut nuannaartitsisussaq toqqaannartumillu ilaqutariinnut meerartalinnut tapersersuisuulluni.
Julehjælp aqqutigalugu ilaqutariit meerartallit atorfissaqartitsisut juullilernerani pisisinnaanikkut tapersersorneqarnissaat qulakkeerparput, piffissami atuinaqisumi.
“NunaFondip tapersersuineranut qujamasulluinnarpugut, tapiineratami suliniutip piviusunngortinnissaa qulakkeermagu. Neriuppugut bamsit tigulluarneqarumaartut, katersinitsinnilu malunniutaajumaartut,” Mona Steenholdt, siulittaasoq, oqarpoq.
Imannak suliniummut tapersersuisinnaavutit
Bamsi ataaseq 100 koruuneqarpoq. Bamsillu tunineqartut tamarmik ilaqutariinnut meerartalinnut nunatsinni najugalinnut tapeeqataassapput.
Tamanut periarfissalinnut kajumissaarerusuppugut tapersersuinissamut, bamsimik pisinikkut aningaasanilluunniit tunisinikkut.
Konto normu: 6471-7848622
MobilePay: 106929
Ataatsimut meeqqanut qaamanermik pilersitseqatigiitta.